Fréttir eftir árum

Kría, Lundi og Ugla fóru og sungu í Kjarna í tilefni menningarviku Mosfellsbæjar.  Ferðin gekk vel og stóðu börnin sig með prýði. Hvetjum við ykkur til að fara og skoða verk barnanna en sýningin stendur til 15. apríl.

Hin árlega menningarvika leikskóla Mosfellsbæjar fer fram dagana 11-15 apríl í Kjarna. Öll börn í leikskólum Mosfellsbæjar hafa verið að vinna listaverk sem verða til sýnis í kjarnanum. Sýningin gefur innsýn í það frábæra, fjölbreytta og metnaðarfulla starf sem unnið er í leikskólum bæjarins.

Fimm, sex, sjö og átta ára börnin í skólanum fóru á sýningu í  Menningarmiðstöðinni  Gerðubergi  sem ber heitið „Ormurinn langi“.  Sýningin er um norræna goðafræði. 

Fræðslufundur fyrir foreldra og aðra áhugasama verður haldinn í Krikaskóla miðvikudaginn 16. mars kl. 20:00 - 21.30. Fjallað verður um hugmyndafræði Krikaskóla, kennsluaðferðir og skólabraginn. Allir velkomnir

Miðvikudaginn 9. mars verður öskudagsfagnaður í Krikaskóla. Þá ætlum við að halda furðufataskemmtun þar sem börnin ætla að slá köttinn úr tunnunni, dansa, syngja og skemmta sér saman.

Innritun sex ára barna í Mosfellsbæ fer fram í mars. Innritun fer fram í gegnum íbúagátt Mosfellsbæjar. Foreldrar bera ábyrgð á að innrita börn sín í skóla.

Föstudaginn 18. febrúar er lokað í Krikaskóla vegna starfsmannafundar þar sem starfsmenn vinna saman að faglegum undirbúningi fyrir starfið í Krikaskóla á vorönninni

Á opnu húsi Skólaskrifstofunnar í kvöld, miðvikudagskvöld kl 20-21, verður fjallað um áföll í fjölskyldum, svo sem skilnað og önnur áföll, og hvernig heppilegast er að umgangast börn í því sambandi. Tekin verða dæmi um slíkar aðstæður, viðbrögð barna og fullorðinna.

Föstudaginn 11. febrúar verður dótadagur í Krikaskóla, þá mega börnin koma með leikföng að heiman, en viljum benda á að stríðsleikföng eru ekki leyfileg. Þetta er í annað sinn sem dótadagur er haldinn í Krikaskóla og er tilkominn vegna óska frá nemendum á öllum aldri. Mikilvægt er að brýna fyrir börnunum að bera ábyrgð á eigin leikföngum!