logo
  • Virðing -
  • Jákvæðni -
  • Framsækni -
  • Umhyggja

Árgangar

Börnin okkarÍ Krikaskóla eru um 200 börn á aldrinum 2ja- 9 ára. Árgangarnir í skólanum eru 8 og hver árgangur hefur heimasvæði á efri hæð hússins. Heimasvæðin kallast hreiður og bera nöfn íslenskra fugla.

Hreiður  2- 5 ára  barnanna eru; Kría, Lundi, Fjallafinka, Ugla  og Spói. Hreiður 6-9 ára barnanna eru; Örn, Hrafn og Álft.

 Bæði vinna árgangarnir mikið saman innbyrðis og þvert á árganga. Þannig eru 2ja og 3ja ára börnin saman í leik hluta dagsins. Árgangar 4 og 5 ára barna leika saman í upphafi og lok dags. Auk þess velja þau saman önnur leiksvæði í húsinu einu sinni í viku.

 Samkennsla árganga  5,6 og 7 ára barna er í smiðjum tvisvar í viku. Þá er árgöngunum blandað og  skipt upp í 12-14 barna hópa sem fást saman við mismunandi verkefni í smiðjum í myndlist, heimilisfræði, textíl, tónlist, íþróttum, leikrænni tjáningu eða vísindum.

 Árgangar 8 og 9 ára barna eru að hluta til saman í kennslu og ávaxtatímum. Árgangarnir vinna saman í smiðjum tvisvar í viku. Auk þess eru börnin í 4 bekk í íþróttum með börnum í fjórða bekk í Varmárskóla og  sækja sund og íþróttir   þangað líka.

 Allir árgangar 6-9 ára barna eru saman í frístund eftir að kennslu lýkur á daginn

 Hér til hliðar má sækja upplýsingar um starfsfólk  hreiðranna og dagsskipulag.

Þessi síða notar vafrakökur Lesa meira