Sumarþjónusta leikskóla Mosfellsbæjar

Leikskólar Mosfellsbæjar sameinast um að reka sumarþjónustu sína í Krikaskóla frá 11. júlí til 5. ágúst 2011.  Tilgangur þess er fyrst og fremst til að auka fjölbreytni í viðfangsefnum barnanna, stækka hópinn og auka félagaval þeirra.  Að sjálfsögðu er einnig um hagræðingu að ræða þar sem hægt er að samnýta ýmsa þætti svo sem stjórnun og mötuneyti.
Allar upplýsingar verða gefnar í síma 578-3400 í Krikaskóla.  Aðrir leikskólar bæjarins verða því ekki í starfsemi á sama tímabili en alltaf verður einhver við í Krikaskóla.
Þetta er fyrsta sumarið sem allir skólarnir fara í samstarf en undanfarin ár hafa tveir og tveir skóla verið í samstarfi og hefur það komið mun betur út, bæði fjárhagslega og ekki síður faglega.  Reynsla sumarsins verður síðan metin í lokin til að gera sér grein fyrir hvernig til hefur tekist.
Í Krikaskóla verður því fjölmenningarlegt samfélag í sumar og við hlökkum til að taka á móti hressum krökkum og starfsmönnum frá öllum leikskólum Mosfellsbæjar.