logo
  • Virðing -
  • Jákvæðni -
  • Framsækni -
  • Umhyggja

Klæðumst bláu á BLÁA DAGINN þriðjudaginn 2. apríl

28/03/2019

Sem fyrr er það Blár apríl - Styrktarfélag barna með einhverfu sem að bláa deginum stendur. Markmið átaksins er að vekja athygli á einhverfu og safna fé til styrktar málefnum er varða börn með einhverfu. Öll starfsemi styrktarfélagsins er unnin í sjálfboðavinnu og allt styrktarfé rennur óskert til söfnunarátaksins.  

  Á fyrsta starfsári félagsins leiddi styrktarátakið til þess að hægt var að gefa öllum grunnskólum landsins sérkennslugögn að andvirði fimm milljóna króna. Árið eftir var styrktarféð nýtt til að koma á námskeiði fyrir foreldra og aðstandendur barna með einhverfu, þátttakendum að kostnaðarlausu. Þörfin leyndi sér ekki og aðsóknin var slík að félagið hefur haldið námskeiðin æ síðar og þátttakendur farnir að nálgast 700. Gefið hafa verið út tvö vönduð fræðslumyndbönd um einhverfu sérstaklega ætlað börnum. Þar fóru Ævar vísindamaður og drengurinn Dagur ofan í saumana á einhverfu og svo kom út annað myndband með henni Maríu í aðalhlutverki. Í ár munum við halda áfram með námskeiðin okkar og gefa bæði myndböndin út með ensku tali.

Leiðir til að styðja og styrkja málefnið:

  • Klæðast bláu þriðjudaginn 2. apríl og birta myndir á samfélagsmiðlum merktum #blarapril 

  • Ræða við börnin ykkar um einhverfu og horfa saman á fræðslumyndböndin á blarapril.is

  • Hringja í síma 902 1010 og styrkja málefnið um 1000 krónur 

  • Kaupa Bláu næluna, samstöðumerki átaksins, (eða aðrar vörur) á verslun.blarapril.is

  • Mæta á uppistand Blás apríls, föstudagskvöldið 5. apríl á Bryggjan Brugghús – sjá nánar á miði.is

  • Einnig er tekið við frjálsum framlögum á blarapril.is

  • Fylgjast með fréttum af átakinu á facebook síðu styrktarfélagsins: facebook.com/einhverfa

     

    Við þökkum fyrir stuðninginn og hlökkum til að sjá ykkur sem flest í bláu þriðjudaginn 2. apríl. Stöndum saman og fögnum fjölbreytileikanum. Því lífið er blátt á mismunandi hátt! #blarapril

 


Til baka

Þessi síða notar vafrakökur Lesa meira